Parlament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine ǵylym máseleleri boiynsha ózgerister men tolyqtyrýlar engizý týraly» zań jobasyn birinshi oqylymda maquldady, dep habarlaidy QazAqparat.
Qujattyń negizgi maqsaty - ǵylymi, ǵylymi-tehnikalyq qyzmet jáne onyń nátijelerin kommertsiialandyrý salasyndaǵy zańnamany jetildirý.
Májilisiniń depýtaty Jámilá Nurmanbetovanyń aitýynsha, zań jobasynda ulttyq ǵylymi keńesterge kommertsiialandyrý jobalaryn memlekettik biýdjetten qarjylandyrý bóliginde fýnktsiialar berý kózdeledi.
Konkýrstyq rásimderdiń ashyq bolýy maqsatynda Ulttyq memlekettik ǵylymi-tehnikalyq saraptama ortalyǵyna:
- ǵylymi, ǵylymi-tehnikalyq jobalar men baǵdarlamalardyń, ǵylymi, ǵylymi-tehnikalyq qyzmet nátijelerin kommertsiialandyrý jobalarynyń saralanǵan tizimin qalyptastyrý jáne ulttyq ǵylymi keńesterge jiberý;
- ǵylymi, ǵylymi-tehnikalyq qyzmet nátijelerin kommertsiialandyrýdyń oryndalǵan jobalarynyń nátijelerin baǵalaý jáne nátijeliligine monitoringti júzege asyrý jónindegi fýnktsiialardy berý usynylady.
«Úzdik ǵylymi qyzmetkerlerge «Úzdik ǵylymi qyzmetker» ataǵyn berý jáne 2000 ailyq eseptik kórsetkish mólsherinde grant berý arqyly olardy materialdyq kótermeleý qarastyrylyp otyr», - dedi Jámilá Nurmanbetova.
