Elimizdegi eń arzan jol aqysy - Túrkistanda. Bul týraly oblys ortalyǵyndaǵy jolaýshy tasymaldaýshy kompaniianyń basshysy aitty, dep habarlaidy QazAqparat tilshisi.
«Jolaýshy» kompaniiasynyń bas direktory Rahym Táńirbergenovtyń sózinshe, qazir qaladaǵy qoǵamdyq kólikter jol aqysyna bar bolǵany 40 teńgeden alady. Al, 5-synypqa deiingi oqýshylar tegin tasymaldanady.
«2007 jylǵa deiin jolaqy 10 teńge bolyp kelgen. 2016 jylǵa deiin 20 teńge boldy. Odan keiin qalalyq máslihattyń depýtattary bizge 50 teńge qylyp bekitip bergen. Alaida biz 40 teńgemen ustap otyrmyz. Sebebi, qymbattatsaq halyqtyń turmystyq jaǵdaiyna áser etedi. Sondyqtan biz halyqqa «qanatymen sý sepken qarlyǵash» siiaqty az da bolsa, qarasaiyq dep sheshtik. Eger kúndelikti bir úiden bes adam avtobýsqa minetin bolsa, biz jolaqyny únemdeý esebinen sol úige 5-6 bólke nan qaldyryp otyrmyz degen sóz», - deidi Rahym Táńirbergenov.
Búginde oblys ortalyǵyna ainalǵan qaladaǵy kólik qatynasyn retteý «Jolaýshy» jaýapkershiligi shekteýli seriktestigine júktelgen. Seriktestik basshylary baǵany kóterýdi emes, halyqqa sapaly qyzmet kórsetýdi kózdeitinin aitady. Mundai jeńildikterge qala turǵyndary da dán riza. Aldaǵy kezde de qalyptasqan baǵanyń saqtalyp qalatynyna senimdi.
