Berlinde ótken kino baiqaýda elimizde túsirilgen kartinalardy kórsetip qana qoimai, satý da qolymyzdan keldi. Bul týraly «Ulttyq kinony qoldaý ortalyǵy» kommertsiialyq emes aktsionerlik qoǵamynyń qyzmetine arnalǵan baspasóz konferentsiiasynda aityldy, dep habarlaidy QazAqparat.
«Bizdiń ortalyq qaraityn taǵy bir másele - ózimiz qarjylandyratyn filmderdi distribiýbitsiialaý. Atalǵan memlekettik ortalyq arqyly distribiýtorlyq júie qurýymyz qajet. Ol elimizdegi kinoprokatta úshinshi oiynshy bolýy kerek. Qazir bizde eki distribiýter bar, onyń biri - Sulpak Sinema bolsa, ekinshisi - Meloman. Olar amerikalyq kinostýdiialardyń ókili bolyp sanalady, sol sebepti olar sol jaqtyń filmderin prokattaýǵa múddeli», - deidi «Ulttyq kinony qoldaý memlekettik ortalyǵynyń» basqarma tóraiymy Gúlnar Sársenova.
Ol Ulttyq kinony qoldaý memlekettik ortalyǵy otandyq filmderdi amerikalyq nemese eýropalyq filmdermen bir deńgeide ekranǵa shyǵarýdy maqsat tutatynyn aitty.
«Biz mán beretin taǵy bir baǵyt - básekege qabiletti kino salasyn qalyptastyryp, halyqaralyq dárejede seriktes bolý. Bizdiń ortalyq 2020 jyly otandyq filmderdi halyqaralyq eń iri bes baiqaýǵa qatystyrady. Biz birinshi ret Berlin kino baiqaýyna qatystyq. 8 kún ishinde 150 kezdesý boldy. Biz elimizde túsirilgen kartinalardy kórsetip qana qoimai, satý da qolymyzdan keldi», - deidi ol.
