Baspasóz máslihatynda ulttyq ekonomika vitse-ministri Baýyrjan Omarbekovten jýrnalister elimizde aýylǵa ainalýy múmkin qansha qala baryn surady, dep habarlaidy "Ult aqparat".
Vedomstvo basshysynyń sózinshe, bul máselede birinshi halyqtyń pikiri esepteledi.
"Qala mártebesi bar 13 eldi meken bar. Biraq halyq sany 10 myńnan tómen. Mysaly, Shar, Qazaly qalalary bar. Sol qalalardy da dál osylai jergilikti ákimdik máslihattar halyqpen birge otyryp sheshimderdi qabyldaý kerek. Iaǵni, 10 myńǵa jetpeitin turǵyny bar qalalar aýylǵa ainalýy múmkin", – dedi Baýyrjan Omarbekov.
Aita keteiik, búgin Úkimet otyrysynda premer-ministrdiń orynbasary – ulttyq ekonomika ministri Nurlan Baibazarov Qazaqstanda keiingi 10 jylda 582 aýyl joiylǵanyn aitqan bolatyn.
