باسپاسٶز مەسليحاتىندا ۇلتتىق ەكونوميكا ۆيتسە-مينيسترٸ باۋىرجان وماربەكوۆتەن جۋرناليستەر ەلٸمٸزدە اۋىلعا اينالۋى مٷمكٸن قانشا قالا بارىن سۇرادى, دەپ حابارلايدى "ۇلت اقپارات".
ۆەدومستۆو باسشىسىنىڭ سٶزٸنشە, بۇل مەسەلەدە بٸرٸنشٸ حالىقتىڭ پٸكٸرٸ ەسەپتەلەدٸ.
"قالا مەرتەبەسٸ بار 13 ەلدٸ مەكەن بار. بٸراق حالىق سانى 10 مىڭنان تٶمەن. مىسالى, شار, قازالى قالالارى بار. سول قالالاردى دا دەل وسىلاي جەرگٸلٸكتٸ ەكٸمدٸك مەسليحاتتار حالىقپەن بٸرگە وتىرىپ شەشٸمدەردٸ قابىلداۋ كەرەك. ياعني, 10 مىڭعا جەتپەيتٸن تۇرعىنى بار قالالار اۋىلعا اينالۋى مٷمكٸن", – دەدٸ باۋىرجان وماربەكوۆ.
ايتا كەتەيٸك, بٷگٸن ٷكٸمەت وتىرىسىندا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ نۇرلان بايبازاروۆ قازاقستاندا كەيٸنگٸ 10 جىلدا 582 اۋىل جويىلعانىن ايتقان بولاتىن.
