Pandemiiaǵa qaramastan, avtoHQKO qyzmetine degen suranys saiabyrlamai tur. Elimizde jyl basynan beri avtoHQKO-da 1,7 millionǵa jýyq memlekettik qyzmet kórsetildi. Bul týraly «Azamattarǵa arnalǵan úkimet» KEAQ baspasóz qyzmetinen málim boldy, dep habarlaidy "Ult aqparat".
«Azamattarǵa arnalǵan úkimettiń» resmi málimetine sáikes, biylǵy jeti ai ishinde Qazaqstanda júrgizýshi kýáligin berý jáne aýystyrý boiynsha 400 myńnan astam qyzmet, al kólikti tirkeý boiynsha 1,3 million memlekettik qyzmet usynylǵan.
«Azamattarǵa arnalǵan úkimet» memlekettik korporatsiiasynyń tóraǵasy Ásemgúl Baltashevanyń aitýynsha, byltyrǵy jylǵa qaraǵanda biyl egov.kz arqyly alynǵan onlain qyzmetterdiń sany artqan.
«Bul úrdis azamattardyń tsifrlyq saýattylyǵyn arttyrýǵa oń áserin tigizgeni anyq. Máselen, biyl elektrondyq portal arqyly 145 myńnan astam adam júrgizýshi kýáligin aýystyrsa, 90 myńǵa jýyq kisi kólikterin onlain túrde qaita tirkegen», - dedi ol.
Jariialanǵan tótenshe jaǵdai men karantindik shekteýlerge, sonyń ishinde halyqqa qyzmet kórsetý ortalyqtarynyń jumys ýaqyty qysqarǵanyna qaramastan, qazaqstandyqtardyń avtokólikke qatysty qyzmetterge degen suranysy óte joǵary. Aita ketsek, biyl júrgizýshi kýáligine qatysty qyzmetterdiń sany byltyrǵy jylǵa qaraǵanda 70 myńǵa ósken, al kólikti qaita tirkeý boiynsha qyzmet nebary 150 myńǵa qysqardy.
