Júrgizýshi kýáligin alatyn kólik ieleri úshin meditsinalyq tekseristen ótý reti jeńildeidi, dep habarlaidy "Ult aqparat" «Azamattarǵa arnalǵan úkimettiń» baspasóz qyzmetine silteme jasap.
«Azamattarǵa arnalǵan úkimet» kólik júrgizýge ruqsat beretin qujatty alý úshin talap etiletin 083 úlgisindegi meditsinalyq anyqtamaǵa ózgerister engen.
«Budan bylai júrgizýshi kýáligin rásimdeý barysyndaǵy meditsinalyq komissiia quramy 7 dárigerden 4-ke deiin qysqardy. Endi terapevt, okýlist, otorinolaringolog, psihiatr-narkolog dárigerleriniń tekserisinen ótý jetkilikti. Sondai-aq qan, dáret taldamasy, fliýrografiia, psihoaktivti zattardy qabyldaý boiynsha zerthanalyq analizderdi tapsyrý qajet emes», - delingen taratylǵan habarlamada.
Meditsinalyq tekseris barysynda terapevt dáriger qandaida aýrýlardyń bar/joǵyn «Dispanserli naýqastardyń elektrondy tizilimi» aqparattyq júiesi, al psihiatriialyq nemese narkologiialyq dispanserlerdiń esebinde turmaýy jónidegi aqparatty málimetter bazasy arqyly, sondai-aq dispanserlerdiń anyqtamasy negizinde teksere alady.
Aita keteiik, búginde júrgizýshi kýáligin alý úshin meditsinalyq anyqtama úsh jaǵdaida talap etiledi:
Júrgizýshi kýáligin birinshi ret rásimdeý barysynda;
Júrgizýshi kýáliginiń merzimi ótip ketkende;
Júrgizýshi kýáliginen aiyrylǵandar qujatty qaita rásimdegende.
Jyl basynan beri 337 myń qazaqstandyq júrgizýshi kýáligin aldy.
