Foto: QR OAM
2025 jyldan bastap Qazaqstanda jetim balalar men ata-anasynyń qamqorlyǵynsyz qalǵan balalardy internat uiymdaryna joldaý tártibi ózgerdi, dep habarlaidy Ult.kz.
Endi bala anyqtalǵan sátten bastap qorǵanshylyq jáne qamqorshylyq organdary olardy aldymen úsh táýlikke deiin tolyq tekserýden ótkizý úshin meditsinalyq uiymdarǵa ýaqytsha ornalastyrýǵa mindetti.
«Bul qadam balanyń densaýlyǵyn der kezinde tekserýge, qajet bolsa meditsinalyq kómek kórsetýge jáne zań aiasynda ári qaraiǵy qoldaýdy uiymdastyrýǵa múmkindik beredi. Eń bastysy – árbir bala alǵashqy kúnnen-aq memlekettiń qamqorlyǵy men qoldaýyn sezinedi», – dep atap ótti QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova.
Depýtattardyń bastamasy QR Mindetti áleýmettik meditsinalyq saqtandyrý jáne meditsinalyq qyzmet kórsetý týraly zań aiasynda Bala quqyqtary jónindegi ýákildiń qoldaýymen qabyldandy.
Eske sala keteiik, búginde respýblikada jetim balalar men ata-anasynyń qamqorlyǵynsyz qalǵan balalarǵa arnalǵan 111 uiym bar. Onda 3,6 myńnan astam bala tárbielenýde. Sondai-aq, 17 myńnan astam jetim bala otbasylardyń qamqorlyǵynda ósip jatyr.
