Jeltoqsan aiynda aýa temperatýrasy QR ońtústik jartysynda norma shamasynda bolady, dep habarlaidy «Qazgidromet» RMK baspasóz qyzmeti.
Elimizdiń soltústik jartysy men batysynda aýa temperatýrasy normadan 1° joǵary.
Jaýyn-shashyn mólsheri respýblikanyń basym bóliginde norma shamasynda, ońtústik-batys jartysynda normadan az, elimizdiń shyǵys jartysynda jáne qiyr soltústik-batysynda normadan kóp dep boljanyp otyr.
Aidyń basynda Skandinaviia aýdandarynan soltústik-batys tsiklonymen bailanysty atmosferalyq fronttar turaqsyz aýa raiyn anyqtaidy.
Aldymen batysta, sodan keiin QR qalǵan aýmaǵyna yqpalyn tigizedi.
Jaýyn-shashyn jaýady, kóbine qar túrinde, ońtústik aimaqtarda jańbyr sońy qarǵa ulasady.
Aidyń ortasynda eldiń ońtústik-shyǵys jartysynyń taýly jáne taý bókterindegi aýdandarynda qatty jaýyn-shashyn jaýady.
Sondai-aq turaqsyz aýa-raiy jeldiń kúsheiýi 15-23 m/s, boran, tuman jáne kóktaiǵaq qubylystary boljanady.
Jeltoqsannyń alǵashqy kúnderinde elimizdiń basym bóligindegi turǵyndardy jyly aýa raiy qýantady:
soltústik jartysynda aýa temperatýrasy túnde -10, -18°S-tan 0, -8°S-qa deiin, kúndiz -3, -8°S-tan -5, +5°S-qa deiin joǵarylaidy;
respýblikamyzdyń ońtústiginde túnde -2, +8°S deiin, kúndiz +10, +18°S deiin.
Batys óńirlerde, kerisinshe, aýa temperatýrasy túnde 0, -8°S, kúndiz 0,+7°S-qa deiin tómendeidi dep kútilýde.
Birinshi onkúndiktiń ortasynan bastap Barents teńizi aýdandarynan soltústik-batys antitsiklonnyń basyp kirýimen aýa temperatýrasynyń tómendeýi boljanady:
batysta, soltústik-batysta túnde -7, -15°S-qa deiin, kúndiz -5, -11°S-qa deiin;
soltústikte, ortalyqta, shyǵysta túnde -18, -26°S-qa deiin, kúndiz -10, -18°S-qa deiin;
ońtústik-batysta túnde 0, -5°S-qa deiin, kúndiz +2, +7°S-qa deiin;
Birinshi onkúndiktiń sońynda ońtústikte, ońtústik-shyǵysta túnde -5, -13°S-qa deiin, kúndiz 0, -5°S-qa deiin;
Birinshi onkúndiktiń sońynda jáne ekinshi onkúndiktiń basynda Jerorta teńiziniń shyǵys jaǵalaýyndaǵy aýdandardan jyly aýa massalarynyń kezekti shyǵarylýymen aiaz álsireidi.
Respýblikanyń soltústik, shyǵys jáne ortalyq aimaqtarynda jeltoqsannyń úshinshi onkúndiginde túnde -27, -35°S-qa deiin, kúndiz -18, -25°S-qa deiin qarqyndy sýyq tolqyndary qaitady.
Qazaqstannyń batys jáne ońtústik óńirlerinde aýa temperatýrasy túnde -5, -15°S-tan 0, -5°S-qa deiin, kúndiz 0, -10°S-tan 0, +5°S-qa deiin aýytqidy dep boljanady.
Aidyń ortasynda ońtústik jáne ońtústik-shyǵys aimaqtardyń turǵyndaryn jyly aýa raiy kútedi.
Kúndizgi aýa temperatýrasy +10°S-qa deiin boljanady.
Aidyń ekinshi jáne úshinshi onkúndikterinde qarly boran men jel QR soltústik jartysynda jáne taý bókterinde kúsheiedi.
