Halyqtyń naqty tabysy 0,1%-ǵa ósti, al ekonomikadaǵy jalpy jumyspen qamtý 9,4 mln adamǵa jetti. Bul týraly Úkimet otyrysynda Premer-ministrdiń orynbasary – ulttyq ekonomika ministri Serik Jumanǵarin baiandady, dep habarlaidy ult.kz.
Onyń aitýynsha, buǵan jyldyq infliatsiianyń baiaýlaýy yqpal etti, ol maýsym aiynda 10,3%-ǵa deiin tómendedi. Memleket basshysynyń azamattardyń ál-aýqatyn jaqsartý jónindegi tapsyrmalaryn oryndaý sheńberinde jańa óndiris oryndary men joǵary ónimdi jumys oryndaryn qurýǵa baǵyttalǵan halyqtyń tabysyn arttyrýdyń keshendi jospary qabyldandy.
«Ekonomikada jumyspen qamtylý ósýdi jalǵastyryp, 9,4 mln adamdy qurady. 2026 jylǵy 1 qańtardaǵy jaǵdai boiynsha shaǵyn jáne orta kásipkerlikte turaqty jumyspen qamtylǵandar sany – 4,5 mln adam. Jumyspen qamtýǵa jáne jalpy ekonomikalyq belsendilikke aitarlyqtai teris áser baiqalmaidy», — dedi Serik Jumanǵarin.
