Elimizde vaktsina egý qarqyny tómendep ketti. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Qazirgi kezde barlyǵy 8,2 millionnan asa adam birinshi komponentti, 7,4 millionǵa jýyq adam ekinshi komponentti aldy. Vaktsina egý qarqyny tómendep otyr. Ony ulǵaitý qajet, ásirese, qalyp kele jatqan óńirlerge qatysty»,- dedi Asqar Mamin.
Premer-Ministr Mańǵystaý, Batys Qazaqstan, Qostanai, Aqmola oblystary men Nur-Sultan qalasynyń ákimderine vaktsinalaý máselesin jeke baqylaýǵa alýdy jáne onyń qajetti deńgeiin qamtamasyz etýdi tapsyrdy.
«Densaýlyq saqtaý, Aqparat ministrlikteri halyq arasynda vaktsinalaý men revaktsinatsiialaýdyń mańyzy týraly, sonymen birge densaýlyqty saqtaýdyń jalǵyz joly - koronavirýsqa qarsy ekpeni alý ekenin túsindirý jumysyn jalǵastyrsyn», - dedi Úkimet basshysy.
Osy rette Asqar Mamin bul tapsyrmalarǵa jalpy baqylaý jasaýdy orynbasary Eraly Toǵjanovqa júktedi.
