Turǵyn úidi jalǵa alýdyń eń joǵary baǵalary Nur-Sultan qalasynda tirkelse, eń tómen baǵalar Semeide ekeni belgili boldy. Bul týraly "Ult aqparat" Finprom-ǵa silteme jasap habarlaidy.
2020 jyldyń shilde aiynda jaily jabdyqtalǵan úidi jalǵa alýdyń ortasha baǵasy bir sharshy metr úshin 1,6 myń teńgeni qurady, bul ótken jylmen salystyrǵanda 9,5 paiyzǵa kóp. Maýsym aiymen salystyrǵanda, turýǵa jaily baspanany jalǵa alý quny 0,4 paiyzǵa ósti.
Jóndelmegen turǵyn úilerdi jalǵa alýdyń ortasha baǵasy bir sharshy metr úshin 832 teńgeni quraǵan – bul ótken jylmen salystyrǵanda 4 paiyz qymbat. Aǵymdaǵy jyldyń maýsym aiymen salystyrǵanda, jalǵa alý baǵasy ózgerissiz qaldy.
Elimizdiń iri qalalary men megapolisteri arasynda jaily jabdyqtalǵan turǵyn úidi jalǵa alýdyń eń joǵary baǵalary elordada tirkelgen – bir sharshy metr úshin 3,1 myń teńge, bul byltyrǵy jylmen salystyrǵanda 10,3 paiyzǵa kóp. Baǵalary joǵary iri qalalar «úshtigine» sondai-aq Almaty jáne Aqtaý qalalary kirdi.
Sonymen qatar, jaily jabdyqtalǵan turǵyn úidi jalǵa alý baǵalarynyń aitarlyqtai qymbattaýy Pavlodarda (jylyna birden 37,9 paiyzǵa, 1,7 myń teńgege deiin), Taldyqorǵanda (36,9 paiyzǵa, 1,7 myń teńgege deiin) jáne Tarazda (15,4 paiyzǵa, 1,2 myń teńgege deiin) baiqalyp otyr.
Al eń tómen baǵalar Semei qalasynda belgilendi. Munda jaily jabdyqtalǵan úidi jalǵa alý baǵasy bir sharshy metr úshin 1,2 myń teńgeni qurap otyr, bul ótken jylmen salystyrǵanda 3,3 paiyzǵa kóp.
Jóndelmegen turǵyn úilerdi jalǵa alýdyń eń joǵary baǵalary elordada baiqalyp otyr – bir sharshy metr úshin 1,6 myń teńge. Bul ótken jylmen salystyrǵanda 3,6 paiyzǵa kóp.
Mundai úilerdi jalǵa alýdyń eń tómen baǵasy Semei qalasynda tirkeldi – bir sharshy metr úshin 594 teńge, byltyrǵy jylmen salystyrǵanda 2,6 paiyzǵa qymbat.
