Jyljymaityn múlik salasyndaǵy operatsiia kólemi ótken jylmen salystyrǵanda aqshalai máni 37,7%-ǵa ósip, 2020 jyldyń qańtar-aqpanynda 1,52 trln teńgeni qurap, naqty ósim 41%-dan asty. Bul osy ýaqytqa deiingi eń joǵary kórsetkish, dep habarlaidy "Ult aqparat" Finprom.kz saityna silteme jasap.
Deldaldyq qyzmetter 17%-ǵa qysqardy, degenmen aǵymdaǵy jyldaǵy turǵyn úi naryǵyndaǵy dúrbeleń sektordaǵy baǵanyń ósý qozǵaýshysyna ainalýy múmkin.
Sektordaǵy qyzmetterdiń jartysy jalǵa berý jáne óz jyljymaityn múligińdi basqarý qyzmetine tiesili: 883,2 mlrd teńge. Qosalqy jalǵa berý pen jalǵa alynǵan jyljymaityn múlikti paidalaný qyzmetine 313,6 mlrd teńge tiesili.
Óndiristik emes jyljymaityn múlikti satý-satyp alý jáne jalǵa berý kezinde kórsetiletin deldaldyq qyzmetter tek 18,1 mlrd teńge boldy – ótken jylǵa qaraǵanda aqshalai 16,8%-ǵa tómen.
Aityp ótý kerek, aǵymdaǵy jyldyń alǵashqy eki aiynda satý-satyp alý kelisimderi zeinetaqy qoryna úi satyp alý múmkindiginiń arqasynda 2020 jyldyń qańtar-aqpanyna qaraǵanda 44,2%-ǵa ósti. Bul 2021 jyly deldaldyq qyzmettiń kólemin ósirýi múmkin.
Óndiristik-tehnikalyq maqsattaǵy jyljymaityn múlikti satý-satyp alý jáne jalǵa berýdegi deldaldyq qyzmetter birden 79,2%-ǵa qysqaryp, 1,3 mlrd teńge bolǵan.
QR óńirleriniń ishinde jyljymaityn múlikke qatysty qyzmetterdiń tórtten úshi Qazaqstannyń eki úlken megapolisine tiesili – Nur-Sultan (593,5 mlrd teńge) jáne Almaty (536,4 mlrd tg).
Sektordaǵy eń tómen kórsetkishti ońtústik óńirler kórsetti – Túrkistan (5,5 mlrd teńge), Qyzylorda (6,3 mlrd teńge) jáne Jambyl (7,4 mlrd teńge) oblystary.
