Elimizde tótenshe jaǵdai rejimin buzǵan 64 adam qamaýǵa alyndy. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Birden aitaiyn, azamattarymyzdyń basym bóligi tótenshe jaǵdai rejimi talaptaryna túsinistikpen qaraidy. Degenmen, barlyǵy birdei olai oilamaidy. Negizinen zańbuzýshylyqtar Ákimshilik quqyq buzý týraly kodekstiń 476-baby boiynsha oryn alýda. Jaýapkershilik sharasy - 10 AEK-ke deiin aiyppul nemese 15 táýlikke qamaý», - dedi ministr.
Onyń aitýynsha, ókinishke qarai, shekteýlerge qaramastan barlyq óńirde toilar men jiyndar, saltanatty sharalar ótip jatyr. Kafeler men internet-klýbtar, balalarǵa arnalǵan úiirmeler jumys istep tur.
«Osyndai 313 derek anyqtaldy. 94 adam jaýapqa tartylyp, onyń 64-i qamaýǵa alyndy», - dedi Dáýren Abaev.
