ەلٸمٸزدە تٶتەنشە جاعداي رەجيمٸن بۇزعان 64 ادام قاماۋعا الىندى. بۇل تۋرالى «حابار 24» تەلەارناسىنىڭ تٸكەلەي ەفيرٸنەن قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى قازاقپارات.
«بٸردەن ايتايىن, ازاماتتارىمىزدىڭ باسىم بٶلٸگٸ تٶتەنشە جاعداي رەجيمٸ تالاپتارىنا تٷسٸنٸستٸكپەن قارايدى. دەگەنمەن, بارلىعى بٸردەي ولاي ويلامايدى. نەگٸزٸنەن زاڭبۇزۋشىلىقتار ەكٸمشٸلٸك قۇقىق بۇزۋ تۋرالى كودەكستٸڭ 476-بابى بويىنشا ورىن الۋدا. جاۋاپكەرشٸلٸك شاراسى - 10 اەك-كە دەيٸن ايىپپۇل نەمەسە 15 تەۋلٸككە قاماۋ», - دەدٸ مينيستر.
ونىڭ ايتۋىنشا, ٶكٸنٸشكە قاراي, شەكتەۋلەرگە قاراماستان بارلىق ٶڭٸردە تويلار مەن جيىندار, سالتاناتتى شارالار ٶتٸپ جاتىر. كافەلەر مەن ينتەرنەت-كلۋبتار, بالالارعا ارنالعان ٷيٸرمەلەر جۇمىس ٸستەپ تۇر.
«وسىنداي 313 دەرەك انىقتالدى. 94 ادام جاۋاپقا تارتىلىپ, ونىڭ 64-ٸ قاماۋعا الىندى», - دەدٸ دەۋرەن اباەۆ.
