Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
«Zań jobasyn ázirleý qajettigi 2021-2022 jyldary Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl jónindegi Eýraziialyq toptyń bizdiń eldi baǵalaýynyń ekinshi raýndyna daiyndalýǵa bailanysty týyndap otyr», - dedi QR Premer-Ministriniń birinshi orynbasary - Qarjy ministri Álihan Smaiylov.
Zań jobasynyń maqsattaryna toqtalsaq, birinshiden, halyqaralyq standarttardy engizý jáne qarjy monitoringi salasynda ulttyq júieni odan ári jetildirý eskerilgen.
«Osyǵan bailanysty klientti tiisinshe tekserý, ishki baqylaý júrgizý jáne kúmándi operatsiia týraly habarlama jiberý siiaqty qarjy monitoringi rásimderine ózgerister usynylady. Qarjy monitoringi salasyndaǵy ýákiletti organǵa retteýshi memlekettik organy joq qarjy monitoringi sýbektilerine qatysty ákimshilik quqyq buzýshylyq týraly hattamalardy toltyrýǵa quzyret beriledi. Blankettik normalardy joiý maqsatynda qarjy monitoringi sýbektileriniń ákimshilik quqyq buzýshylyqtar quramy qaita qaraldy, táýekelderdi taldaý negizinde sanktsiialar azaityldy», - dedi ol.
Onyń sózine qaraǵanda, qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl salasyndaǵy ýákiletti organdar úshin halyqaralyq ózara is-qimyl rásimderi, onyń ishinde qylmystyq aktivterdi izdestirý jáne qaitarý boiynsha rásimder reglamenttelgen.
«Halyqaralyq standarttardy iske asyrý maqsatynda zań jobasyna kommertsiialyq emes sektordy terrorizmdi qarjylandyrý maqsatynda paidalanýdan qorǵaýǵa bailanysty novellalar engizildi. Talaptar erikti qarjylyq jáne basqa da qaiyrymdylyqtar úshin júginetin qaiyrymdylyq uiymdary men dini birlestikterge qoldanylatyn bolady. Aqshany jylystatýǵa jáne terrorizmdi qarjylandyrýǵa qarsy is-qimyl máseleleriniń mańyzdylyǵyn eskere otyryp, Vedomstvoaralyq keńes qurý usynylady. Onda aqshany jylystatý jáne terrorizmdi qarjylandyrý táýekelderin azaitýǵa baǵyttalǵan sharalar ázirlenetin bolady jáne sharalardy iske asyrý nátijeleri qaralatyn bolady»,- dedi Álihan Smaiylov.
