Sýdy tiimsiz paidalaný kólemi 3 tekshe shaqyrymǵa jetti. Bul týraly Úkimet otyrysynda kanaldar men sý qoimalaryn salýdy talqylaý kezinde QR Ekologiia, geologiia jáne tabiǵi resýrstar ministri Serikqali Brekeshev málim etti, dep habarlaidy QazAqparat.
«Sizderge elimizdiń ózender aǵynynyń qalai qalyptasatyny týraly qysqasha aityp óteiin. Qazaqstannyń sý resýrstarynyń kólemi 90-100 tekshe shaqyrymdy quraidy. Onyń ishinde 50,8 tekshe kilometr – jergilikti aǵyn, al qalǵany 39,2 tekshe kilometr – Qytaidan, Ortalyq Aziia elderinen jáne Reseiden transshekaralyq ózender arqyly kelip túsedi. Jer asty sýlarynyń qory 3,5 myńnan astam ken oryndarynda barlanǵan. Ol jylyna 15,5 tekshe shaqyrymdy quraidy», - dedi Brekeshev.
Onyń aitýynsha, byltyr elimiz boiynsha sý tartý 24,9 tekshe kilometrdi qurady, onyń ishinde 15 tekshe kilometr (65%) sý aýyl sharýashylyǵynyń muqtajdyqtaryna jumsaldy.
«Sýdy tiimsiz qoldaný 3 tekshe shaqyrymǵa jetti», - dedi ministr.
