Bolashaqta Qazaqstanda Sport ýniversiteti qurylady. Bul týraly búgin QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev aitty, dep habarlaidy QazAqparat.
«Bolashaqta elimizde Sport ýniversitetin qurý josparda bar. Ol jerde barlyq salalarda sportshylardy daiyndaýmen bailanysty túrli baǵytty qamtityn fakýltetter bolady. Sport ýniversiteti barlyq problemany sheshýi tiis», - dedi ol.
Sonymen qatar, ol bul baǵyttaǵy jumystardyń qalai júrgizilip jatqanyn aitty.
«Biz tehnikalyq-ekonomikalyq negizdemesin jasap, ózge de memlekettik organdarmen kelisý protsedýrasyn ótkizip jatyrmyz. Sondyqtan másele ázirshe ashyq, biz barlyǵyn ázirledik, usynys engizýdemiz. Másele sheshilip jatyr. Taiaý 4 jyldyń ishinde tolyq sheshiledi», - dedi Serik Sápiev.
