Elimizde ádildik izdep júrgen pai ieleri, iaǵni shartty jer úlesi ieleri bar. Olar pailaryn JShS-larǵa berip tastaǵan. Bul týraly QR Aýyl sharýashylyǵy ministrligi jer reformasy komissiiasynyń otyrysynda zańger Baqytjan Bazarbek aitty, dep habarlaidy QazAqparat.
«Elimizde ádildik izdep júrgen pai ieleri, iaǵni shartty jer úlesi ieleri bar. Olar 2004 jyly ózderiniń pailaryn JShS-larǵa berip tastaǵan. JShS basshylary 1-2 jyl olarǵa dividend berip, ary qarai berýdi umytyp ketken. Shartty jer úlesi ieleri amalsyzdan sotqa, prokýratýraǵa, ákimdikterge shaǵymdanyp júr», - deidi «Bazarbek&Partners» zań kompaniiasynyń bas direktory Bazarbek Jumabekuly.
Ol bul máseleni sheshý jolyn aitty.
«Bul máseleni bir ǵana ádispen sheshýge bolady: Jer kodeksiniń 65-babynda jer paidalanýshylarynyń mindettemeleri jazylǵan. Ol mindetteme boiynsha barlyq pai ieleriniń jerleri JShS basshylyǵynyń atyna rásimdeledi. Jer kodeksiniń 65-babynda jer paidalanýshylarynyń mindettemeleriniń qataryna pai ielerimen bekitken kelisimshartty oryndaý kerektigi týraly talapty engizsek, pai ieleri JShS basshylary dividend berýden jaltarǵan jaǵdaida sotqa shaǵymdanýǵa quqyly bolady. Qazirgi jaǵdaida pai ieleri sotqa shaǵymdana almaidy, sebebi bul turǵyda olardyń quqyǵy qorǵalmaǵan, ondai norma joq. Sondyqtan osy normany 65-bapqa engizý kerek», - deidi ol.
