Elimizde poiyzdardyń júrý máselesi talqylanýda. Bul týraly Ortalyq kommýnikatsiialar qyzmetinde ótken eldegi koronavirýstyq infektsiia boiynsha aǵymdaǵy jaǵdai, sonymen qatar Qazaqstandaǵy vaktsinalardyń sapasy men satyp alýlary týraly brifingte aityldy, dep habarlaidy QazAqparat.
«Poiyzdar qai kezden bastap júre bastaitynyn naqty aitý múmkin emes. Bul másele áli talqylanýda. Poiyz júre bastaǵan kezde Covid-19 indetiniń joqtyǵyn bildiretin anyqtamanyń talap etiletinin nemese talap etilmeitinin bas sanitarlyq dáriger sheshedi, - dedi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev.
Onyń aitýynsha, koronavirýs juqtyrǵandar sany azaiyp keledi.
«Karantin sharalaryn toqtatýdyń naqty sharttary bar. Karantinniń erterek toqtaǵanyn qalasaq, Densaýlyq saqtaý ministrligi qoiǵan barlyq talaptardy tolyq saqtaý kerek», - dep atap ótti Timýr Sultanǵaziev.
