Foto:fingramota.kz
Endi qazaqstandyqtar nesieni birden ala almaidy. Bul týraly qarjy naryǵyn retteý jáne damytý agenttigi habarlady.
30 qyrkúiekten bastap tutynýshylyq kepilsiz onlain-qaryzdar berý kezinde "sheshim qabyldaý" kezeńi engiziledi.
Sheshim qabyldaý kezeńiniń negizgi maqsaty – qaryz alýshyǵa oilanyp sheshim qabyldaýǵa ýaqyt berý jáne sonyń nátijesinde asyǵystyqpen qaryz shartyn jasasý nemese alaiaqtyq shemalarǵa tartylý yqtimaldyǵyn azaitý.
Bul norma Prezidenttiń 2025 jylǵy 30 maýsymda qol qoiǵan "Qazaqstan Respýblikasynyń keibir zańnamalyq aktilerine qarjy naryǵyn damytý, qarjylyq kórsetiletin qyzmetterdi tutynýshylardyń quqyqtaryn qorǵaý, bailanys jáne artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly" QR zańynda bar.
Zańdy iske asyrý úshin onlain beriletin kreditter boiynsha ýaqyt beriledi:
150 AEK-ten (589 800 teńge) 255 AEK-ke (1 002 660 teńge) deiingi soma kezinde banktik qaryz shartyn jasasqannan keiin keminde 8 saǵat;
banktik qaryz somasy 255 AEK-ten (1 002 660 teńge) joǵary,
75 AEK-ten joǵary mikrokredit (294 900 teńge) somasy kezinde keminde 24 saǵat;
qaryz alýshyǵa aqshany aýdarýǵa tek belgilengen sheshim qabyldaý kezeńi ótkennen keiin onyń nesie berýge kelisimin alǵannan soń ruqsat etiledi.
Bankter men MQU qaryz alýshyǵa 1 kún ishinde jalpy somasy kórsetilgen limitterden asatyn birneshe nesie berilgen jaǵdaida sheshim qabyldaý kezeńin saqtaýǵa mindetti.
Bul rette sheshim qabyldaý kezeńi taýarlyq kreditter berýge, ishki qaita qarjylandyrýǵa jáne tólem kartasy boiynsha limit (150 AEK deiin) sheńberinde qaryzdarǵa qoldanylmaidy.
Eger qaryz alýshy sheshim qabyldaý kezeńinde kredit alý týraly sheshimin ózgertse, qaryz sharty joiylady jáne oǵan kredit qarajaty aýdarylmaidy.
Sheshim qabyldaý kezeńi tek onlain-qaryzdar úshin qoldanylady jáne azamattardy alaiaqtyqtan qorǵaýǵa baǵyttalǵan.
Qaryz alýshyǵa kredit qarajaty shuǵyl qajet bolǵan jaǵdaida, ol kez kelgen ýaqytta banktiń nemese MQU bólimshesine júgine alady jáne qaryzdy sheshim qabyldaý kezeńin qoldanbai resimdei alady.
