Oqýshylar arasynda shahmattan Qazaqstan Respýblikasynyń chempionaty shegine jetti, dep habarlaidy "Ult aqparat" Qazaqstan shahmat federatsiiasynyń baspasóz qyzmetine silteme jasap.
Chempionat Almaty qalasynda úsh tártip – klassika, rapid (jyldam shahmat) jáne blits boiynsha uiymdastyryldy. Oi jarysyna 7 jas sanaty boiynsha 872 (uldar men qyzdar) bala qatysty.
«Almaty qalasyndaǵy Shatrandj shahmat mektebiniń oqýshysy Álisher Ábdisattardy erekshe atap ótkimiz keledi. Ol klassika men rapidte altyn medal ielense, blitste ekinshi oryn aldy. Jeti jasta bolǵanyna qaramastan, ol Álem jáne Aziia chempionattarynda jasyndai jarqyldap, bolashaǵynan zor úmit kúttirip otyr. Qazaqstan chempionatynda Álisher júlde qoryn tolyqtyra tústi. Sonymen birge, ol 2020 jylǵy Álem chempionatyna joldama aldy», - delingen Shahmat federatsiiasynyń habarlamasynda.
Klassika boiynsha 18 jasqa deiingi balalar sanatynda alǵashqy oryndardy Ramazan Jalmahanov pen qyzyordalyq Ásel Serikbai ielendi. Sonymen birge, Qazybek Nógerbek pen Kseniia Balabaeva 16 jasqa deiingi shahmatshylar arasynda týrnirdiń absoliýtti chempiony atandy.
14 jasqa deiingiler arasynda Aldiiar Ańsat pen Alýa Nurmanova top jardy. 12 jasqa deiingilerdiń arasynda Aldiiar Ańsat pen Zarina Nurǵalieva aldyna jan salmady. 10 jasqa deiingi balalar ishinde Edgar Mamedov pen Elnaz Qaliahmet, 8 jasqa deiingiler arasynda Álisher Ábdisattar, Hanzada Amanjol alǵashqy oryndardan kórindi. 6 jasqa deiingi sportshylar arasynda Elsid Elmýrziev pen Jansaia Sholpanbek altyn medal ielendi.
