Senattyń jalpy otyrysynda Ekologiia, geologiia jáne tabiǵi resýrstar ministri Maǵzum Myrzaǵaliev qaldyqtardy qaita óńdeý salasyndaǵy jospardy aitty, dep habarlaidy QazAqparat.
«Memleket basshysy jaqynda tiisti zańǵa qol qoiǵan bolatyn. Bizdiń josparymyz boiynsha kelesi jylda aýktsion ótkizetin bolamyz. Osy oraida alty pilottyq qalany iriktedik, onyń ishinde Almaty, Nur-Sultan, Shymkent, Taraz, Aqtóbe, Atyraý qalalary bar. Qazirgi kezde úlken problemany biri – ol qoqysty qaita óńdeýdiń tómen deńgeii. Jyl saiyn 5 mln tonna qaldyq jinalsa, sonyń 15 paiyzy ǵana qaita óńdeledi. Atalǵan 6 qanatqaqty joba iske asyrylǵannan keiin, qaita óńdeýdiń deńgeii 30 paiyzǵa jetkizilmek», - dedi ministr.
Sonymen qatar Myrzaǵaliev meditsinalyq qoqystar máselesine toqtaldy.
«Bul taqyryp biyl asa ózekti boldy. Jańa Ekologiialyq kodekstiń normalaryna sáikes, bul úderis Densaýlyq saqtaý ministrligine quzyretine jatady. Degenmen, qoqys óńdelmegen jaǵdaida Ákimshilik kodekstiń normalaryna sáikes, ákimshilik aiyppul 10 ese ósedi. Ekinshiden, osy qaldyqtar qalyptasatyn emhanalar men klinikalar qaldyqtarǵa jaýapty bolady. Al sol qaldyqtardy qaita óńdeitin mekemeler litsenziialaý protsesinen ótýi kerek. Sondyqtan bul protsess kúsheitiledi», - dedi ministr.
