Elimizde aýasy las 10 qala ataldy. QR Ekologiia, geologiia jáne tabiǵi resýrstar ministrligi Ekologiialyq retteý jáne baqylaý komitetiniń tóraǵasy Zulfuhar Joldasov elimiz boiynsha lastaný deńgeii joǵary qalalardy atap berdi, dep habarlaidy QazAqparat.
«Memleket basshysy Qazaqstan halqyna Joldaýynda elimizdegi ekologiialyq problemalarǵa, ásirese aýa sapasyna basa nazar aýdarýdy tapsyrdy. Osy oraida neǵurlym lastanǵan 10 qalany gazdandyrý jáne balamaly energiia kózderine kóshirý qajet. Qazgidromettiń ekologiialyq monitoringine sáikes, ótken jyldyń qorytyndysy boiynsha 45 ónerkásibi bar 10 qala atmosferalyq aýanyń joǵary lastaný deńgeiine jatatyny kórsetildi. Bul Nur-Sultan, Almaty, Qaraǵandy, Temirtaý, Atyraý, Aqtóbe, Balqash, Óskemen, Jezqazǵan jáne Shymkent qalasy», - dedi Z. Joldasov OKQ-de ótken baspasóz máslihatynda.
Sonymen qatar komitet basshysy respýblikalyq mańyzy bar qalalardaǵy aýanyń lastaný saldaryn atap berdi.
«Máselen, Almaty jáne Nur-Sultan qalalarynda lastanýdyń negizgi paiyzy jylý kózderine (qazandyqtar), avtokólik pen jeke sektorlarǵa tiesili. Óskemen jáne Temirtaý qalasynda emissiialardyń eń kóp kólemi ónerkásipke tiesili. Al Aqtóbe jáne Atyraý qalasy boiynsha eskirgen káriz júiesi aýanyń lastanýyna ákelip otyr», - deidi ol.
