Elimizde qurylys materialdaryn satý men satyp alýǵa arnalǵan onlain júie iske qosylady. Bul týraly QR Indýstriia jáne infraqurylymdyq damý ministrliginiń birinshi vitse-ministri Qaiyrbek Óskenbaev málim etti, dep habarlaidy QazAqparat.
«Marketpleis alańy qurylys materialdarynyń qunyn 15%-ǵa deiin tómendetýge múmkindik beredi jáne naryqtyń ashyqtyǵyn qamtamasyz etedi. Sondai-aq, otandyq óndirýshiler memlekettiń qoldaýymen uzaq merzimdi kelisimsharttar jasasýǵa jáne qurylys materialdaryn belgilengen quny boiynsha satýǵa múmkindik alady. Sonymen qatar jańa júie qurylys salýshy kompaniialar úshin de tiimdi», - dedi Q. Óskenbaev baspasóz máslihatynda.
Onyń aitýynsha, atalǵan júie arqyly qurylys materialdaryn shyǵarýshylar óz ónimderi týraly aqpartty emin-erkin jariialai alsa, tiisinshe qurylys kompaniialary taýarǵa deldalsyz tiimdi baǵamen qol jetkize alady.
«Osylaisha qurylys kompaniialary úshin otandyq qurylys materialdaryn satyp alý tikelei qoljetimdi. Qazirgi ýaqytta sait testileýden ótip jatyr. Búginde elimiz boiynsha qurylys materialdaryn shyǵaratyn 31 ónerkásip tirkelip, olar 50-den astam kommertsiialyq usynys bildirdi. Jyl sońyna deiin qurylys materialdaryn ázirleitin kompaniialar óz ónimderin onlain usynatyn sóre fýnktsiiasy ázir bolady. Qurylys materialdarynyń baǵasy Qurylys isi jáne turǵyn-úi kommýnaldyq sharýashylyǵy komiteti arqyly qadaǵalanady. Osylaisha baǵa turaqtylyǵyn qamtýdy kózdep otyrmyz», - deidi ol.
