Qazaqstannyń memlekettik bas sanitarlyq dárigeri Aijan Esmaǵambetova elimizde koronavirýs juqtyrǵandar týraly aitty, dep habarlaidy "Ult aqparat".
«Álemde koronavirýs juqtyrǵandardyń sany 1 million 270 myńnan asyp ketti. Onyń 70 myńy ólimmen aiaqtaldy. Qazaqstanda 604 jaǵdai tirkeldi. Barlyq jaǵdai boiynsha 122 jaǵdai - syrttan juqtyrǵandar, 350-den astamy – qarym-qatynas (otbasylyq jáne ujymdyq) arqyly juqtyrǵandar», - dedi Aijan Esmaǵambetova OKQ-da ótken baspasóz máslihatynda.
Memlekettik bas sanitarlyq dárigerdiń aqparatyna sáikes, juqtyrýdyń 130 jaǵdaiynda virýstyń neden kelgenin anyqtaý múmkin emes bolyp otyr.
«Qazirge deiin 45 adam aýrýdan aiyǵyp ketti. Onyń 24-i Nur-Sultanda, 21-i Almatydan. Koronavirýs juqtyrýdyń 85 paiyzy – simptomsyz ári jeńil baǵytta ekeni belgili boldy. 11,5 paiyzy aýyrlyǵy ortasha deńgeide. 16 adam aýyr kúide jatyr. Olar Almaty, Nur-Sultan, Shymkent qalalary men ShQO, Qaraǵandy oblysyndaǵy patsientter», - dedi ol.
