Sinoptikterdiń boljamynsha, Astanada senbi kúni jańbyr jaýyp, kún kúrkireidi, daýyl soǵyp, burshaq túsedi, dep habarlaidy "Ult aqparat".
"Qazaqstanǵa Reseidiń eýropalyq bóliginiń soltústik-batys aýdandarynan ylǵaldy ári sýyq aýa massasy keledi. Sol sebepti demalys kúnderi aýa raiy qubylmaly, jańbyr jaýyp, kún kúrkireidi, daýyl soǵady. Soltústik, ortalyq jáne batystyń kei jerlerinde úsik júrýi múmkin. Biraq ońtústik óńirlerge Iran jaqtan aýa aǵyny kelip, ol jaqta naǵyz jaz bastalady", — dedi "Qazgidromet" injener-sinoptigi Ainur Qaiynbaeva.
"Qazgidromet" ortalyǵynyń habarlaýynsha, erteń, 3 maýsymda Aqmola oblysynda batystan, ońtústik-batystan qatty jel soǵady.
"Aqmola oblysynyń kei jerlerinde túnde jeldiń jyldamdyǵy sekýndyna 15-20, kúndiz basym bóliginde 15-20, ekpini 23-28 metrge deiin jetedi", - dep eskertti mamandar.
Sonymen qatar, meteorologtar Astana qalasynda batystan jáne ońtústik-batystan jel soǵyp, jyldamdyǵy 15-20, kúndiz ekpini 23 metrge deiin údeitinin eskertti
