Qazaqstanda bir jylda kómir, shiki munai jáne tabiǵi gaz kenderiniń óndirisi tómendedi. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
Statistika derekterine súiensek, 2021 jylǵy qańtar-shildede 2020 jylǵy qańtar-shildemen salystyrǵanda elimizde tamaq ónimderiniń, sýsyn, rezeńke jáne plastmassa buiymdarynyń, ózge de beimetall mineraldyq ónimderiniń, himiia jáne farmatsevtika ónimderiniń, jeńil ónerkásip jáne mashina jasaý óndirisi artty.
Kerisinshe, kómir, shiki munai jáne tabiǵi gaz kenderiniń óndirisi tómendedi.
«Ónerkásiptik ónimderdiń óndiris kóleminiń ósýi respýblikanyń 14 óńirinde baiqaldy», - delingen aqparatta.
2021 jylǵy qańtar-shildede Qazaqstanda 49,7 mln tonna munai, gaz kondensaty (96,6 paiyz), 71,6 mln tonna mys kenderi (123,2), 1,8 mln tonna un (102,4), 2,7 mln tonna benzin (107,7), 2,9 mln tonna gazoilder (dizeldik otyn) (109,0), 66,1 mlrd kVt saǵ elektr energiiasy (120,2 paiyz) óndirildi.
