Qazaqstandyqtardyń VIP kólik nómirlerine degen suranysy azaiǵan, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasyna silteme jasap.
«2019 jyly el azamattary avtoHQO arqyly 3,018 mlrd teńgege 12 658 erekshe tirkeý nómirin satyp alǵan. Bul qarjylai kórsetkish 2018 jylmen salystyrǵanda jarty milliard teńgege kem. Onda qazaqstandyqtar 14 909 VIP nómiri úshin 3,560 mlrd teńge jumsaǵan», delingen habarlamada.
Aita keteiik, ol ýaqytta mamandandyrylǵan HQO-men qatar erekshe nómirdi politsiianyń tirkeý-emtihan alý bólimderi de rásimdeidi.
Búginde erekshe sandar men áripterdiń tizbegin kóp satyp alatyndardyń reitingisin Almaty, Nur-Sultan men Shymkent qalalarynyń turǵyndary bastap tur.
Kólik ieleri jańadan satyp alǵan temir tulparyna erekshe nómirlerdi mamandandyrylǵan HQO nemese egov.kz arqyly onlain tirkeý barysynda tańdai alady. Sondai-aq eger azamattyń burynnan VIP-nómiri bolsa, jańadan alǵan kóligine alty ai ishinde sol nómirdi qaita rásimdeýge quqyǵy bar.
Aita keterligi, kólikterdiń VIP sanatyndaǵy memlekettik tirkeý nómiri 2014 jyldan beri satylyp keledi. Qazaqstandyqtar qalaýynsha sandar tizbegin tańdap, birdei áripterge tapsyrys bere alady.
2020 jyly AEK mólsheriniń ósýine bailanysty VIP-nómirlerdiń baǵasy kelesidei ózgerdi:
|
Nómir belgileri |
Baǵa |
|
010, 020, 030, 040, 050, 060, 070, 077, 080, 090, 707 |
151 107tg (57 AEK) |
|
010, 020, 030, 040, 050, 060, 070, 077, 080, 090, 707 belgileri men XXX, YYY, MMM, AAA t.s.s. siiaqty birdei áriptik belgiler |
302 214 tg (114 AEK) |
|
100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 |
363 187 tg (137 AEK) |
|
100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 men XXX, YYY, MMM, AAA t.s.s. siiaqty birdei áriptik belgiler |
514 294 tg (194 AEK) |
|
001, 002, 003, 004, 005, 006, 007, 008, 009, 777 |
604 428 tg (228 AEK) |
|
001, 002, 003, 004, 005, 006, 007, 008, 009, 777 men XXX, YYY, MMM, AAA t.s.s. siiaqty birdei áriptik belgiler |
755 535 tg (285 AEK) |
|
áriptik belgilenýi birdei (tsifrlyq belgilenýi 001, 002, 003, 004, 005, 006, 007, 008, 009, 010, 020, 030, 040, 050, 060, 070, 077, 080, 090, 100, 111, 200, 222, 300, 333, 400, 444, 500, 555, 600, 666, 700, 777, 800, 888, 900, 999 memlekettik tirkeý nómirlik belgilerin qospaǵanda) |
151 107 tg (57 AEK) |
