Qazaqstanda keń aýqymdy «Kiik» tabiǵatty qorǵaý aktsiiasy bastaldy, dep habarlaidy "Ult aqparat" Orman sharýashylyǵy jáne janýarlar dúniesi komitetiniń baspasóz qyzmetine silteme jasap.
Aktsiia 2020 jyldyń 15 mamyryna deiin jalǵasady. Shara kiikterdiń brakonerligine, olardyń derivattaryn, sondai-aq faýnanyń basqa da túrlerin satýǵa jáne ótkizýge mamandanǵan uiymdasqan qylmystyq toptardyń qyzmetin anyqtaý jáne jolyn kesý jumystaryn kúsheitý maqsatynda qolǵa alynyp otyr.
«Osy buiryqpen tabiǵatty qorǵaý aktsiiasyn ótkizý barysynda quqyq qorǵaý jáne tabiǵatty qorǵaý organdarynyń ózara árekettesý boiynsha Úilestirý shtabynyń quramy, sondai-aq birlesken is-qimyl jospary bekitildi. Birneshe mobildi toptardan quralǵan 200 inspektor, 6 blokpost, 64 joǵary ótimdi avtokólik, 16 KÝNG, 5 mototsikl men pilotsyz ushý apparaty aktsiia barysynda brakonerlikke qarsy reidtik sharalardy uiymdastyrý úshin jumyldyryldy. Atalǵan sharany «Ohotzooprom» ÓB» RMQK-nyń inspektorlary, QR EGTRM Orman sharýashylyǵy jáne janýarlar dúniesi komitetiniń aýmaqtyq bólimsheleri men quqyq qorǵaý organdarynyń mamandary Aqmola, Aqtóbe, Atyraý, Jambyl, Batys Qazaqstan, Shyǵys Qazaqstan, Qaraǵandy, Qostanai, Qyzylorda, Mańǵystaý, Pavlodar jáne Soltústik Qazaqstan oblystarynyń aýmaǵynda ótkizedi», - delingen komitettiń habarlamasynda.
Komitettiń habarlaýynsha, qazirgi tańda Qazaqstanda kiikterdiń popýliatsiiasynyń sany 334 400 basty quraidy.
«Tabiǵatty qorǵaý sharalarynyń ótken jylǵy nátijesi kórsetkendei, kiikterdiń múiizderine zańsyz suranys azaimai otyr. Máselen, 2020 jyldyń basynan bastap QR EGTRM Orman sharýashylyǵy jáne janýarlar dúniesi komitetiniń inspektorlary kiikterdi zańsyz atýdyń 16 brakonerlik faktisin anyqtap, 381 usha men 367 kiiktiń múiizin tárkiledi. Tabiǵat resýrstaryna keltirilgen shyǵynnyń somasy 1,08 mlrd teńgeni qurady», - delingen habarlamada.
Komitet qazir zańǵa sáikes brakonerlikke barǵan adamdar 12 jylǵa deiin bas bostandyǵynan aiyrylatynyn eske salady.
