Foto: Gov.kz
Elimizde zańsyz iemdenilgen aktivterdi memleket menshigine qaitarý jumystary jalǵasýda. Memleket basshysy Qasym-Jomart Toqaevtyń tapsyrmasy boiynsha bul qarajat búkil el boiynsha júzdegen áleýmettik nysan qurylysy men jańǵyrtý jumystaryna jumsalýda, dep habarlaidy Ult.kz.
Qaitarylatyn qarajat Qarjy ministrliginiń janynan qurylǵan Arnaýly memlekettik qorǵa túsedi.
Qazirgi tańda 406 jobany qarjylandyrý maquldandy. Onyń ishinde:
- - 9 bilim berý nysany,
- - sport salasyndaǵy 3 nysandy,
- - densaýlyq saqtaý salasyndaǵy 162 jobany,
- - sýmen jabdyqtaý salasyndaǵy 159 jobany qosa alǵanda, 333 joba iske asyrylýda.
Jańa qurylys nysandary boi kóteredi
Óńirlerde qaitarylǵan aktivter qarajaty esebinen bilim berý mekemeleri, sport keshenderi, densaýlyq saqtaý jáne sýmen jabdyqtaý nysandarynyń qurylysy belsendi túrde jalǵasýda.
Astanada eski stadionnyń ornyna Q.Muńaitpasov atyndaǵy jańa stadion salynýda. Jabyq sport ǵimaraty múgedektigi bar azamattarǵa arnalǵan oryndardy qosqanda, 3598 orynǵa eseptelgen. Qurylys UEFA halyqaralyq standarttaryna sáikes júrgizilýde.
Almatyda qaitarylǵan qarajat esebinen sýmen jabdyqtaý júiesin salý boiynsha 9 joba júzege asyrylýda.
Shymkent qalasyndaǵy «Sairam kómekshi mektep-internat-kolledji» kesheniniń tárbielenýshileri úshin qaitarylǵan qarajatqa 300 oryndyq jataqhana salynady.
Shyǵys Qazaqstan oblysynda qaitarylǵan aktivterge aýqymdy joba júzege asyrylýda. Memleket basshysynyń tapsyrmasy boiynsha Arnaýly memlekettik qordan Gematologiia ortalyǵynyń qurylysyn aiaqtaýǵa qarajat bólindi. Meditsinalyq mekemede 2 ǵimarat: 148 oryndyq statsionar jáne 24 tósek-oryndyq klinikanyń patsientterine arnalǵan qonaq úi josparlanǵan.
Bas ǵimaratta zamanaýi meditsinalyq jabdyqtarmen zerthanalar, radiatsiialyq diagnostika, kardiologiia, kardiohirýrgiia, gematologiia, súiek kemigin transplantatsiialaý jáne kúrdeli somatika bólimsheleri jabdyqtalady. Jańa Ortalyq naýqastarǵa emdeýdiń jáne ońaltýdyń ozyq ádisterine qol jetkizýge múmkindik beredi.
Sonymen qatar qaitarylǵan aktivter esebinen óńirde taǵy 8 joba iske asyrylýda, onyń 2-eýi – densaýlyq saqtaý jáne 6-aýy – sýmen jabdyqtaý salasynda.
Soltústik Qazaqstan oblysynda búginde óńirdi sýmen jabdyqtaýdy jaqsartýǵa baǵyttalǵan jobalar júzege asyrylýda. Arnaýly memleket qor qarajaty esebinen Sokolov, Býlaev jáne Presnovskii toptyq sý qubyrlaryn qaita jańartý, sondai-aq Kókshetaý toptyq sý qubyryna qosylǵan Aiyrtaý aýdany men Shal aqyn aýyldyq eldi mekenderine jańa sý qubyrlary men burmalar salý júrip jatyr.
Qaraǵandy oblysynda 7 aýdanda 51 densaýlyq saqtaý obektisin – dárigerlik ambýlatoriialardy, sondai-aq feldsherlik-akýsherlik jáne meditsinalyq pýnktterdi salý josparlanýda.
Aqmola oblysynda densaýlyq saqtaý, sýmen jabdyqtaý jáne sport salasynda 38 joba júzege asyrylýda. Qaitarylǵan aktivter esebinen eki meditsinalyq nysan ashyldy. Arshaly aýdanynyń Arnasai aýylynda 2 myńnan astam adamǵa qyzmet kórsetetin dárigerlik ambýlatoriia paidalanýǵa berildi, al Bulandy aýdanynyń Altyndy aýylynda feldsherlik-akýsherlik pýnkt salyndy. 1 myńnan astam azamaty bar úsh eldi mekenniń turǵyndary ýaqtyly meditsinalyq kómekke sene alady.
Aqtóbe oblysynda qaitarylǵan aktivter esebinen jańa bilim berý jáne densaýlyq saqtaý obektileri salynady. Óńirde 12 áleýmettik mańyzy bar joba júzege asyrylýda. Solardyń biri – Aqtóbe qalasyndaǵy erekshe balalarǵa arnalǵan arnaiy balabaqsha.
Qordan Abai oblysynda 24 áleýmettik mańyzy bar nysandy júzege asyrýǵa qarjy bólindi. Óńirde jańa sýmen jabdyqtaý jelileri, sondai-aq meditsinalyq mekemeler salynady.
Atyraý oblysynda densaýlyq saqtaý, bilim berý jáne sýmen jabdyqtaý salalarynda bir nysannan salynady.
Jetisý oblysynda bilim berý, densaýlyq saqtaý jáne sýmen jabdyqtaý salalarynda 22 jobany júzege asyrý josparlanǵan.
Almaty oblysynda jańa sport nysandary, sýmen jabdyqtaý jelileri men meditsinalyq mekemeler salynady. Úkimettiń sheshimimen bólingen qarajat Kegen aýdany Jalaǵash aýylynda sport keshenin salýǵa baǵyttaldy.
Jambyl oblysynda qaitarylǵan qarajatqa 19 joba salynady. 4 joba densaýlyq saqtaý júiesi jelisi boiynsha, taǵy 15 joba sýmen jabdyqtaý jelilerin salý boiynsha.
Batys Qazaqstan oblysynda jyl sońyna deiin 25 jobany tapsyrý josparlanýda. Bul meditsinalyq jáne feldsherlik-akýsherlik pýnktter, dárigerlik ambýlatoriialar, sondai-aq sý qubyrlaryn salý boiynsha jobalar.
Mańǵystaý oblysynda qaitarylǵan aktivterge 1 densaýlyq saqtaý nysany salynady.
Qostanai oblysynda sýmen jabdyqtaý jelileri túbegeili jańartylady. Sondai-aq óńirde bir densaýlyq saqtaý jáne bilim berý nysandaryn salý josparlanýda.
Túrkistan oblysynda qaitarylǵan aktivterge bir bilim berý obektisin salý, sondai-aq óńir turǵyndaryn sýmen qamtamasyz etý boiynsha 35 jobany iske asyrý josparlanǵan.
Pavlodar jáne Qyzylorda oblystarynda sýmen jabdyqtaý jelileri men meditsinalyq mekemelerdiń qurylysy boiynsha jobalardy iske asyrý josparlanýda.
Ulytaý oblysynda jańa bilim berý, densaýlyq saqtaý jáne sýmen jabdyqtaý nysandary salynady.
