E-Salyq Business mobildi qosymshasyn 400 myń jeke kásipker qoldana alady. Bul týraly QR QM Memlekettik kirister komiteti tóraǵasynyń orynbasary Jaidar Ińkárbaev aitty, dep habarlaidy QazAqparat.
Aita keteiik, QR Qarjy ministrligi Memlekettik kirister komiteti E-Salyq Business jańa mobildi qosymshasyn tanystyrdy.
«Qazirgi kezde mobildi qosymsha Aqmola jáne Jambyl oblystarynda testileýden ótip jatyr. Osy oraida 3,5 myńǵa tarta kásipker osy qosymshaǵa tirkelip, paidalanyp jatyr. Aldaǵy jyldan bastap qosymsha tolyq rejimde iske qosylady. 400 myńǵa jýyq kásipker qosymshany paidalanady», - dedi Jaidar Ińkárbaev Ortalyq kommýnikatsiialar qyzmetinde.
Belgili bolǵandai, pilottyq testileýde jeke kásipker retinde tirkelgender jáne arnaiy salyq rejimin qoldanatyndar ǵana qatysa alady
Komitet málimetine qaraǵanda, «E-Salyq Business» jańa mobildi qosymshasyn Play market-ten júkteýge bolady. Sonymen qatar, App store-de atalǵan qosymshany júkteý úshin berilgen ótinimge jaýap alý rásimderi júrip jatyr.
