Qazaqstandyq kásipkerlerdi Memlekettik kirister komitetiniń saitynan alýǵa bolatyn arnaiy QR-kod arqyly sáikestendiretin bolady, dep habarlaidy "Ult aqparat".
«Sholyp tekserý» pilottyq jobasy kóleńkeli ekonomikanyń úlesin azaitýǵa jáne salyq mádenietin arttyrýǵa baǵyttalǵan. MKK habarlaǵandai, pilottyq jobany 2022 jyldyń sońyna deiin aiaqtaý josparlanýda.
Jabyq bazarlardyń, saýda úileriniń, dúkenderdiń, pavilondardyń (ashyq bazarlardy eseptemegende) aýmaǵynda QR-da kóterme jáne (nemese) bólshek saýdany júzege asyratyn kásipkerler Memlekettik kirister komitetiniń portalynda (kgd.gov.kz) «Aqparattyq resýrstar» qosymsha betinde shtrih-kodty (QR-kodty) alýy tiis.
Sáikestendirgish kásipker týraly málimetterdi (JSN/BSN, ataýy, baqylaý-kassa mashinasynyń ornalasqan jeriniń mekenjaiy, salyq tóleýshiniń mártebesi, alkogol ónimine litsenziianyń bolýy) qamtidy. Bul satyp alýshylardyń kásipkerdi sáikestendirýi úshin qajet.
«Mysaly, fiskaldy chek berilmegen, taýarlar úshin tólemdi bank kartasymen qabyldaýdan bas tartylǵan, alkogol ónimine litsenziia bolmaǵan jaǵdaida satyp alýshy uialy telefonynyń kómegimen QR-kod arqyly eseptelgen pilottyq jobaǵa qatysýshy týraly derekterdi paidalana otyryp, Memlekettik kirister organdaryna shaǵym joldaýǵa quqyly», - dep túsindirdi Memlekettik kirister komitetiniń baspasóz qyzmetinde.
Memlekettik kirister organdarynyń laýazymdy tulǵalary beine tirkeý jáne (nemese) fotofiksatsiia quraldaryn qoldana otyryp jiberilgen shaǵymdar boiynsha ǵana sholyp tekserýli júrgizedi.
Bul rette, sholyp tekserýdi júrgizý týraly sheshimde kórsetilgen sholyp tekserýdi júrgizý merzimi bastalǵanǵa deiin 3 (úsh) jumys kúninen buryn Memlekettik kirister organdarynyń Internet-resýrsynda atalǵan sheshim ornalastyrylady.
Sholyp tekserý júrgizý arqyly salyq tóleýshilerdi ákimshilendirý boiynsha pilottyq jobanyń júrgizilý tártibimen http://adilet.zan.kz/kaz/docs/V2000021928 siltemesi boiynsha tolyǵyraq tanysýǵa bolady
