Internet-alaiaqtyq 2 ese artty. Bul týraly Májilistegi Úkimet saǵatynda QR Ishki ister ministri Erlan Turǵymbaev aitty, dep habarlaidy QazAqparat.
«Internet-alaiaqtyq 2 ese artty. Buǵan tsifrlyq tehnologiianyń damýy sebep. Kiberqylmysqa qarsy naqty issharalar qolǵa alynýda. Bul qylmystar kóbinese shetelden jasalady. Sondyqtan osy másele qazan aiynda ministrlik bastamasymen Táýelsiz Memleketter Dostastyǵynyń Ishki ister ministrleri keńesiniń otyrysynda qaraldy»,- dedi ol.
Ministr ishki ister organdaryn reformalaý boiynsha júrgizilip jatqan jumysqa da toqtalyp ótti.
«106 artyq basqarý býyny jáne shamamen 1,5 myń basshylyq laýazym joiyldy. Shtat sany 11 paiyzǵa qysqartyldy. Bul 10 000 qyzmetker. Nátijesinde, politsiia qyzmetkerleriniń sany boiynsha 100 myń turǵynǵa shaqqandaǵy deńgei 372-ni quraidy», - dedi Erlan Turǵymbaev.
