ينتەرنەت-الاياقتىق 2 ەسە ارتتى. بۇل تۋرالى مەجٸلٸستەگٸ ٷكٸمەت ساعاتىندا قر ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى قازاقپارات.
«ينتەرنەت-الاياقتىق 2 ەسە ارتتى. بۇعان تسيفرلىق تەحنولوگييانىڭ دامۋى سەبەپ. كيبەرقىلمىسقا قارسى ناقتى ٸسشارالار قولعا الىنۋدا. بۇل قىلمىستار كٶبٸنەسە شەتەلدەن جاسالادى. سوندىقتان وسى مەسەلە قازان ايىندا مينيسترلٸك باستاماسىمەن تەۋەلسٸز مەملەكەتتەر دوستاستىعىنىڭ ٸشكٸ ٸستەر مينيسترلەرٸ كەڭەسٸنٸڭ وتىرىسىندا قارالدى»,- دەدٸ ول.
مينيستر ٸشكٸ ٸستەر ورگاندارىن رەفورمالاۋ بويىنشا جٷرگٸزٸلٸپ جاتقان جۇمىسقا دا توقتالىپ ٶتتٸ.
«106 ارتىق باسقارۋ بۋىنى جەنە شامامەن 1,5 مىڭ باسشىلىق لاۋازىم جويىلدى. شتات سانى 11 پايىزعا قىسقارتىلدى. بۇل 10 000 قىزمەتكەر. نەتيجەسٸندە, پوليتسييا قىزمەتكەرلەرٸنٸڭ سانى بويىنشا 100 مىڭ تۇرعىنعا شاققانداعى دەڭگەي 372-نٸ قۇرايدى», - دەدٸ ەرلان تۇرعىمباەۆ.
