Qazaqstanda jyldyq infliatsiia 7,4% deńgeiinde saqtaldy. Bul týraly Ulttyq bank málim etti, dep habarlaidy "Ult aqparat".
Ulttyq banktiń málimetishe, jyldyq infliatsiia 7,4% deńgeiinde saqtaldy. Azyq-túlik baǵasynyń ósýi jedeldetýdi jalǵastyrdy. Retteletin kommýnaldyq qyzmetterdiń tarifteri tómendedi.
Retteletin kommýnaldyq qyzmetterdiń tarifteri tómendedi 2021 jylǵy aqpanda infliatsiia 0,7% qurady, jyldyq mánde ózgerissiz qaldy –7,4%. Infliatsiiaǵa negizgi úles burynǵydai azyq-túlik taýarlaryna baǵanyń ósýi yqpal etedi, aqpan aiynda azyq-túlik infliatsiiasynyń 11,6% deiin azdap jedeldeýi tirkeldi (2021 jylǵy qańtarda – 11,4%). Kúnbaǵys maiynyń (41,9%, g/g), qanttyń (39,1%), jumyrtqanyń (32,9%) odan ári qymbattaýy baiqaldy.
Sonymen qatar, unnyń, jarma men nannyń jekelegen túrleri qymbattady. Qus etiniń de baǵasy ósti.
Álemdik azyq-túlik naryqtarynda is júzinde barlyq ónim túrleriniń qymbattaýy jalǵasýda, atap aitqanda, 2021 jylǵy aqpanda qant pen ósimdik mailaryna eń joǵary ósý qarqyny baiqaldy.
Baǵanyń eń úlken ósimi tamaq ónimderi óndirisinde 13,1%-ǵa sonyń ishinde ósimdik jáne janýar mailary (37,3%), qant (23,1%), un-jarma ónimderi (15,8%) óndirisinde tirkeldi. Aýyl sharýashylyǵy salasynda jumyrtqa (44,5%), maily tuqymdar (30,8%), kartop (22,9%) baǵasynyń jyldyq ósýi baiqaldy.
Azyq-túlik emes taýarlardyń jyldyq infliatsiiasy 2021 jylǵy aqpanda 5,2%-ǵa deiin baiaýlady (2021 jylǵy qańtarda – 5,3%). Infliatsiia qurylymynda azyq-túlik emes taýarlardyń kópshiligi qalypty ósý qarqynyn kórsetti.
Dári-dármekter men jeke taýarlarǵa baǵanyń ósýi baiaýlady. 2020 jylǵy qańtar-aqpandaǵy joǵary bazanyń aiasynda benzin (1,9%-ǵa tómendeý, j/j) jáne dizel otyny (7,1%-ǵa tómendeý, j/j) baǵalarynyń defliatsiialyq serpini tirkeldi (benzinge aktsizder artty).
Sonymen qatar, qurylys materialdarynyń, sondai-aq kiim men aiaq kiimniń kóptegen túrleriniń, atap aitqanda balalar kiimderi men bas kiimderdiń qymbattaýy baiqaldy. Aqyly qyzmetter baǵasynyń jyldyq ósýi 2020 jyldyń aqpan aiynda kommýnaldyq qyzmetter tarifteriniń jyl basyna tán emes tómendeý nátijesinde 3,9%-ǵa deiin baiaýlady (2021 jylǵy qańtarda – 4,1%).
Jalpy, retteletin kommýnaldyq qyzmetter jyldyq mánde 0,1%-ǵa arzandady.
