Elimizde gazben júretin kólik sany artyp keledi. Bul týraly QR Energetika ministri Bolat Aqsholaqov aitty, dep habarlaidy QazAqparat.
«Suiytylǵan munai gazyn óndirý 2021 jyly 3,17 mln tonnany qurady. 2022 jylǵa arnalǵan jospar – 3,2 mln tonna. Ishki naryqta suiytylǵan munai gazyn negizgi tutynýdyń 60 paiyzdan astamy avtokólikke tiesili. 2019 jyldan bastap suiytylǵan gazǵa aýystyrylǵan avtokólik sany 2021 jylǵa qarai 2,2 esege ósip, 310 myńnan asty», - dedi ol ministrliktiń keńeitilgen alqa otyrysynda.
Sonymen qatar ol Memleket basshysynyń tapsyrmasyn oryndaý úshin Energetika ministrligi múddeli memlekettik organdarmen jáne gaz salasyndaǵy ulttyq operatormen birlesip, salany «qaita júkteýge» baǵyttalǵan gaz salasyn damytýdyń Keshendi josparyn ázirlep jatqanyn aitty.
«Keshendi jospardyń jobasy mynadai is-sharalardy qamtidy. Birinshi - Geologiialyq barlaý, sonymen qatar jumys istep turǵan jáne jańa ken oryndarynda gaz óndirýdiń jańa jobalary esebinen gazdyń resýrstyq bazasyn ulǵaitý. Ekinshi,ministrlik gazǵa baǵa belgileýdiń jańa modeli boiynsha jumys júrgizýde, munda qazaqstandyq gaz resýrstarynyń shekteýliligi jáne kommertsiialyq tutynýshylardyń baǵasyn naryqtyq baǵa deńgeiine deiin kóterý eskerilýi tiis. Úshinshi, negizgi gaz tasymaldaý infraqurylymy negizinen Keńes zamanynda salynǵan jáne qaýipsiz paidalanýdy qamtamasyz etý úshin úlken investitsiiany qajet etedi. Gaz tasymaldaý infraqurylymynyń jai-kúiine tehnikalyq aýdit júrgizý, sondai-aq qarjylandyrý kózderi men investitsiialardy qaitarý tetikterin aiqyndaý qajet. Tórtinshi, tTuraqty gazdandyrýdy jalǵastyrý úshin gazdandyrýdyń bas shemasy ózektendiriledi, gazdandyrý obektilerin ulttyq operatordyń teńgerimine berý qaǵidalary jeńildetiledi», - dedi Bolat Aqsholaqov.
Onyń dereginshe, bul is-sharalardyń qabyldaý qabyldaý 2030 jylǵa qarai taýarlyq gaz óndirisin 42 mlrd tekshe metrge deiin ulǵaitýǵa; gaz infraqurylymynyń senimdiligin arttyrýǵa; halyqtyń áleýmettik osal toptary úshin baǵany ustap turýdy eskere otyryp, baǵa belgileýdiń qajetti modelin belgileýge; eldi gazdandyrýdy 65 paiyzǵa deiin ulǵaitýǵa múmkindik beredi.
