«Kinematografiia týraly» Zańǵa sáikes filmniń túpnusqasyn mindetti túrde qazaq tilinde dýbliajdaý talaby engizilmek, dep habarlaidy "Ult aqparat" ministrliktiń baspasóz qyzmetine silteme jasap.
Mádeniet jáne sport ministrligi Nur Otan partiiasynyń sailaýaldy baǵdarlamasyn oryndaý jónindegi Jol kartasyn iske asyrý maqsatynda «Kinematografiia týraly» Zańǵa ózgerister engizýdi josparlap otyr.
Zań jobasyna túzetýler mindetti dýbliaj nemese filmniń qazaq tilindegi túpnusqasyn talap etýge baǵyttalǵan. Sondai-aq, sózderdiń orfografiialyq normalary men tártibiniń saqtalýyn, olardyń durys qurastyrylýy men aitylýyn qamtamasyz etý úshin tiisti normalar qabyldandy.
Qazirgi ýaqytta múddeli organdar, qoǵamdyq uiymdar ókilderinen jáne kinematografiia qairatkerlerinen jasaqtalǵan jumys toby quryldy. Búginde jumys toby 10-nan astam otyrys ótkizdi. Onda kinematografiianyń kinokomissiialardy qurý tetigi, filmderdi qazaq tiline dýbliajdaý bóligindegi ózekti máseleler talqylandy. Oryndalýy aldaǵy ýaqytta da jobalyq keńse arqyly qadaǵalanady.
Aita keteiik, búgingi tańda qazaq tilindegi 35-ten astam film prokatqa shyǵyp, demeýshiler 1,4 milliard teńge bóldi.
Zań jobasy Úkimette biyl qazan aiynda qaralady. Sodan keiin ol jeltoqsanda Parlament Májilisiniń qaraýyna jiberiledi. Jol kartasyna sáikes 2022 jyly Zańdy qabyldaý josparlanyp otyr.
