Májilistiń jalpy otyrysynda shyǵarylǵan ýaqyty 10 jyldan asqan avtobýstardy bastapqy memlekettik tirkeýge tyiym salý normasy túsindirildi, dep habarlaidy QazAqparat.
Jalpy otyrysta jol júrisi máseleleri boiynsha zań jobasynda 10 jyldan asatyn avtobýstardy bastapqy tirkeýge tyiym salý kózdelgeni aityldy.
«Bul norma bizdiń kóptegen azamattarymyzdyń, ásirese, aýyldyq jerlerde turatyndardyń múdellerin qozǵaidy. Jasyratyny joq, keibir aimaqtarda jolýshylardy eski avtobýstarmen tasymaldaidy. Tipti, ótken ǵasyrdyń 80-shi jyldary shyǵarylǵan avtobýstar da bar. Osy normany qabyldaý eski avtobýstardy paidalanýǵa bolmaityn jaǵdaiǵa alyp kelmei me?», - dep surady depýtat Fahriddin Qarataev.
Óz kezeginde Májilis depýtaty Qanat Mýsin bul ózgeris elimizdegi jolaýshylar tasymalyna eshqandai kedergi keltirmeitinin aitty.
«Qazir paidalanýda júrgen avtobýstarǵa qatysy joq. Bul ózgeris tek birinshi ret Qazaqstanǵa alyp kelgen, alǵash tirkeýge qoiylatyn avtobýstarǵa bailanysty. Sebebi avtobýstardyń kóbisi eski, osynyń saldarynan apattar jiilep ketedi. Sondyqtan tiisti norma engizilip otyr», - dedi Q. Mýsin.
