Otandyq ónerkásipti tsifrlandyrý belsendi júrip jatyr. Bul týraly QR Prezidenti Qasym-Jomart Toqaev «Altyn sapa» syilyǵy jeńimpazdaryn quttyqtaý kezinde aitty, dep habarlaidy QazAqparat.
«Otandyq ónerkásipti tsifrlandyrý belsendi júrgizilýde. Biyl «Aqtoǵai» jáne «Jáirem» ken baiytý kásiporyndarynda «Indýstriia 4.0» standartynyń elementteri bar zamanaýi baiytý fabrikalary iske qosyldy. Soltústik Qazaqstan oblysynda Alageum Electric kompaniiasynyń tórtinshi elektr-tehnikalyq zaýyty jumysyn bastady. Ol eldegi transformatorlar óndirisin 40%, iaǵni jylyna 44 myń danaǵa deiin arttyrady. Olardyń jartysynan astamy eksportqa ketedi. Bul shamamen 25 myń dana ónim degen sóz. Sondai-aq, qýattylyǵy jylyna 500 tehnika óndirýge jetetin germaniialyq CLAAS kompaniiasynyń kombaindary men traktorlaryn qurastyrý óndirisi jolǵa qoiylǵan. Meditsina ǵylymynda da aitarlyqtai nátijelerge qol jetkizildi», - dedi Memleket basshysy.
Qasym-Jomart Toqaev otandyq ǵylymnyń pandemiia kezinde tyǵyryqtan shyǵar jol tapqanyn da erekshe atap ótti.
«Bizdiń ǵalymdar koronavirýsqa qarsy QazVac vaktsinasyn oilap taýyp, mundai jetistikke jetken sanaýly ǵalymdardyń qataryna kirdi. Ony jappai shyǵarý úshin Jambyl oblysynda Ortalyq Aziiada halyqaralyq sapa standartyna sáikes keletin alǵashqy biofarmatsevtikalyq zaýyt salyndy. Men Joldaýymda 2025 jylǵa qarai óńdeý ónerkásibiniń eksportyn bir jarym esege, al eńbek ónimdiligin 30% ulǵaitý mindetin qoidym. Bul óte mańyzdy maqsattar jáne soǵan qol jetkizý úshin bizde barlyq múmkindikter bar, qajetti jaǵdailardyń bári jasalyp otyr», - dedi Prezident.
