IIM, Ádilet, Aqparat jáne kommýnikatsiialar ministrlikteri «Azamattarǵa arnalǵan úkimet» memkorporatsiiasymen birlesip, qazan aiynan bastap «elektrondy úi kitapshasyn» qoldanysqa engizdi, dep habarlaidy QazAqparat.
Árbir azamat tirkelgeni týraly málimetterdi, al turǵyn úi iesi óz mekenjaiynda tirkelgen barlyq adamdar týraly aqparatty HQKO nemese «elektrondy úkimet» veb-portaly arqyly ala alady.
Portal arqyly málimetter alý úshin elektrondyq tsifrlyq qoltańba kerek. Nemese bir rettik paroldiń kómegimen qol qoiylǵan elektrondyq suraý jiberýge bolady. Eger uialy telefonnyń nómiri Azamattardyń mobildi bazasynda tirkelse, «elektrondy úkimet» portalynyń eseptik jazbasyna suraý salý qajet. Sonymen birge, «elektrondy úi kitapshasynda» naqty jyljymaityn múlik obektisinde tirkelgen adamdar týraly málimet mekenjaidy tirkeý kodynyń derekteri bolǵan jaǵdaida beriledi.
«Qazirgi ýaqytta IIM mekenjaidy tirkeý kodyn avtomatty túrde engizý boiynsha jumystardy júrgizip jatyr. Búgingi kúni halyqtyń 50%-dan astamynyń mekenjai málimetterine mekenjaidy tirkeý kody engizildi. Bul jumys jyl sońyna deiin aiaqtalady» delingen IIM baspasóz qyzmeti taratqan habarlamada.
Avtomattandyrylǵan mekenjaidy tirkeý kodyn engizý barysynda sáikessizdikter nemese durys emes mekenjai málimetteri anyqtalǵan kezde azamattarǵa mekenjai derekterin túzetý úshin HQKO-ǵa júginý qajet.
