Otandyq tutynýshylardy dizel otynymen qamtý úshin qandai sharalar qabyldanyp jatyr. Dizel tapshylyǵyna qatysty QR Energetika vitse-ministri Áset Maǵaýov pikir bildirdi, dep habarlaidy QazAqparat.
«Ishki naryqty dizel otynymen qamtamasyz etý maqsatynda búginde munai ónimderin avtomobil kóligimen áketýge tyiym salyndy, biyl sáýir aiynan bastap dizeldi eksporttaý toqtatyldy jáne Atyraý munai óńdeý zaýytyna jóndeý jumystary 2022 jylǵa aýystyryldy. Sondai-aq, Atyraý munai óńdeý zaýyty men PetroQazaqstanOilProdakts (PKOP) JShS-ǵa 100 myń tonna munai jáne 29 myń tonna dizel otyny jetkizildi. Odan bólek, Pavlodar munai-himiia zaýytyna júrgiziletin jóndeý jumysy keiinge shegerilip, qazannyń alǵashqy 10 kúninde atalǵan ónerkásip 30 myń tonna dizel otynyn óndirdi», - dedi Áset Maǵaýov Ortalyq kommýnikatsiialar qyzmetinde ótken baspasóz máslihatynda.
Ministr orynbasarynyń málimetinshe, biyl 1 qyrkúiek pen 1 qazan aralyǵynda Reseiden 65,7 myń tonna dizel otyny jetkizildi. Al 1-10 qazan kúnderi kórshi elden taǵy 22,2 myń tonna dizel ákelingen.
Onyń aitýynsha, 11 qazandaǵy jaǵdaida sáikes el kóleminde 214,9 myń tonna dizel bar.
