«Azamattarǵa arnalǵan úkimet» jyljymaityn múlikti tirkeý boiynsha 2 mln-nan astam ótinish tirkedi, dep habarlaidy "Ult aqparat".
«Azamattarǵa arnalǵan úkimet» bir jylda jyljymaityn múlikti tirkeý qyzmeti boiynsha 2 mln 30 myńnan astam ótinish tirkedi. Statistikalyq málimetterge súiensek, Nur-Sultan jáne Almaty qalalarynyń, sondai-aq Almaty men Qaraǵandy oblystarynyń turǵyndary jyljymaityn múlikti tirkeý qyzmetterin eń belsendi alýshylar bolyp otyr. Atap aitsaq, 2018 jyldyń 30 shildesinen bastap 2019 jyldyń 31 shildesine deiin Almaty qalasy men Almaty oblysynda 228 myńnan astam ótinish tirkelgen, elorda turǵyndarynan 209 myńnan astam jáne Qaraǵandy oblysynan 157 myńnan astam ótinish kelip túsken», - delingen atalǵan uiymnyń habarlamasynda.
Al Qyzylorda (58 myńnan astam ótinish), Atyraý (62 myńnan astam ótinish) jáne Mańǵystaý (73 myńnan astam ótinish) oblystarynda jyljymaityn múlikti tirkeý qyzmetine degen suranys tómen.
«Búginde jyljymaityn múlikti qysqa merzimde rásimdeýge bolady. Bas-aiaǵy 3 jumys kúni ishinde múligińizdiń tirkelgeni týraly mórtabasy bar qajetti qujat qolyńyzda bolady. Degenmen, biz azamattardyń ómir súrý sapasyn jaqsartý maqsatynda bul qyzmetti odan ári ońtailandyryp, aldaǵy ýaqytta tirkeý ýaqytyn 1 kúnge deiin qysqartýdy josparlap otyrmyz», – deidi memlekettik korporatsiia tóraiymy Ásemgúl Baltasheva.
Esterińizge sala keteiik, jyljymaityn múlikti tirkeý qyzmeti Ádilet ministrliginiń quziretinen memlekettik korporatsiiaǵa 2018 jyldyń 30 shildesinde berilgen bolatyn.
