Qazaqstanda bet-álpetti taný tehnologiiasynyń kómegimen temir jol biletterin satýǵa arnalǵan ilki joba iske qosylmaq, dep habarlaidy "Ult aqparat".
«Vagondardyń tolýyn jáne biletterdi zańsyz qaita satýdy qadaǵalaý maqsatynda Digital ID tulǵany qashyqtan sáikestendirý servisiniń kómegimen temirjol biletterin onlain satý ilki jobasyn iske qosýdy josparlap otyr», - delingen «BTS Digital» taratqan aqparatta.
Poiyzǵa otyrǵyzý kezinde jolserik bilet satyp alǵan jolaýshynyń tulǵasyn smartfondaǵy baǵdarlama kómegimen fotosýret arqyly nemese vagonnyń tolýyn onlain rejimde qadaǵalaýǵa múmkindik kamera men kompiýter arqyly teksere alady.
Qazirgi ýaqytta Almaty-Oral baǵytynda qatynaityn jolaýshylar poiyzynyń bir vagony tulǵany qashyqtan sáikestendirý servisi jabdyqtalǵan.
Temirjol biletterin satyp alýdyń jańa formaty olardy qaitarý saiasatyna eshqandai áser etpeidi. Biletterdi jolaýshylar aǵymdaǵy ýaqytta qoldanysta júrgen barlyq qaǵidalarǵa sai aýystyrady nemese qaitara alady. Balalarmen jolǵa shyqqan jaǵdaida olar derekteri sáikestendirýsiz engiziledi.
