Qazaqstanda kámeletke tolmaǵandaǵa qatysty jynystyq zorlyq-zombylyq qylmysy sońǵy bes jylda 1,5 esege azaidy, dep habarlaidy "Ult aqparat" QR IIM silteme jasap.
«Kámeletke tolmaǵandarǵa qatysty qylmystardyń tómendep jatqanyn atap ótken jón. Bul kórsetkish jyl saiyn myńnan astam faktige azaiyp keledi. 2013 jyldan bastap olardyń sany 5 esege – 9 myńnan 1800 faktige (2020 j.) deiin azaiǵan», - dedi QR IIM Ákimshilik politsiia komiteti tóraǵasynyń orynbasary Aleksei Miliýk IIM-de ótken onlain-brifing barysynda.
Onyń aitýynsha, kámeletke tolmaǵandardyń densaýlyǵyna aýyr ziian keltirý 12%-ǵa, olarǵa qatysty jasalǵan qaraqshylyq 71%-ǵa, urlyq 43,7%-ǵa, tonaý 49,6%-ǵa jáne buzaqylyq 27%-ǵa tómendegeni baiqalady.
«Sondai-aq, IIM kámeletke tolmaǵandarǵa qatysty jynystyq zorlyq kórsetý qylmys sany sońǵy 5 jylda 1,5 esege qysqardy», - deidi spiker.
Buǵan deiin A. Miliýk Qazaqstanda 5 myńnan astam bala politsiia esebinde turǵanyn aitqan edi.
