قازاقستاندا كەمەلەتكە تولماعانداعا قاتىستى جىنىستىق زورلىق-زومبىلىق قىلمىسى سوڭعى بەس جىلدا 1,5 ەسەگە ازايدى, دەپ حابارلايدى "ۇلت اقپارات" قر ٸٸم سٸلتەمە جاساپ.
«كەمەلەتكە تولماعاندارعا قاتىستى قىلمىستاردىڭ تٶمەندەپ جاتقانىن اتاپ ٶتكەن جٶن. بۇل كٶرسەتكٸش جىل سايىن مىڭنان استام فاكتٸگە ازايىپ كەلەدٸ. 2013 جىلدان باستاپ ولاردىڭ سانى 5 ەسەگە – 9 مىڭنان 1800 فاكتٸگە (2020 ج.) دەيٸن ازايعان», - دەدٸ قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى الەكسەي ميليۋك ٸٸم-دە ٶتكەن ونلاين-بريفينگ بارىسىندا.
ونىڭ ايتۋىنشا, كەمەلەتكە تولماعانداردىڭ دەنساۋلىعىنا اۋىر زييان كەلتٸرۋ 12%-عا, ولارعا قاتىستى جاسالعان قاراقشىلىق 71%-عا, ۇرلىق 43,7%-عا, توناۋ 49,6%-عا جەنە بۇزاقىلىق 27%-عا تٶمەندەگەنٸ بايقالادى.
«سونداي-اق, ٸٸم كەمەلەتكە تولماعاندارعا قاتىستى جىنىستىق زورلىق كٶرسەتۋ قىلمىس سانى سوڭعى 5 جىلدا 1,5 ەسەگە قىسقاردى», - دەيدٸ سپيكەر.
بۇعان دەيٸن ا. ميليۋك قازاقستاندا 5 مىڭنان استام بالا پوليتسييا ەسەبٸندە تۇرعانىن ايتقان ەدٸ.
