1 naýryzdan bastap «Dúniejúzilik Azamattyq qorǵanys kúni» merekesi «Azamattyq qorǵanys jáne árbir úide alǵashqy kómek» uranymen ótedi, dep habarlaidy "Ult aqparat" QR IIM TJK baspasóz qyzmetine silteme jasap.
Dúniejúzilik Azamattyq qorǵanys kúni jyl saiyn belgili bir uranmen atap ótiledi. 2020 jyly bul «Azamattyq qorǵanys jáne árbir úide alǵashqy kómek» atalady.
Bastapqyda Azamattyq qorǵanys kúshteri áskeri qaqtyǵys kezdegi is-qimyldarǵa baǵyttalǵanymen, ony beibit ýaqytta tótenshe jaǵdailarda paidalaný qajet. Olardy joǵary deńgeide uiymdastyrý jáne daiyndaý jer silkinisi, sý tasqyny, apat saldaryn joiý boiynsha qutqarý operatsiialaryndaǵy atqarylatyn mindetterdiń jetistiginiń kepili bolady. Mundai jaǵdaida azamattyq qorǵanys mindetteri burynǵydai ózekti bolyp qala beredi, al keibir baǵyttar boiynsha odan da úlken mánge ie bolady. Azamattyq qorǵanystyń asa aýyr mindeti – bul oqiǵalardyń aldyn alý jáne saldaryn joiý ǵana emes, sondai-aq osyndai jaǵdaida ózin qalai ustaý kerektigi týraly halyq arasynda túsindirý jumystaryn júrgizý.
2020 jylǵy 14 aqpanda IIM Tótenshe jaǵdailar jónindegi komitetiniń basshylyǵy Azamattyq qorǵanystyń dúniejúzilik kúnin daiyndaý jáne ótkizý jónindegi is-sharalar josparyn bekitti, sonyń sheńberinde Azamattyq qorǵanys ailyǵy jariialandy jáne azamattyq qorǵanys bilimin nasihattaýǵa jáne azamattyq qorǵaý qyzmetiniń mańyzdy mindetterine qoǵamnyń nazaryn aýdarýǵa baǵyttalǵan birqatar is-shara kesheni josparlandy. Oqý oryndarynda Tótenshe jaǵdailar komiteti jedel-qutqarý jasaqtarynyń bazasynda «Nazar aýdaryńyz!» signaly boiynsha ashyq jáne interaktivti sabaqtar, nysandar men evakýatsiialyq treningiler ashyq kúnderi ótkiziledi.
Qazirgi kezde kún saiyn ártúrli tabiǵi jáne tehnogendik sipattaǵy oqiǵalar men tótenshe jaǵdailar týyndaý qaýpi bar tusta mundai is-sharalardy ótkizý óte ózekti. Ol halyqty qaýipsizdikti qamtamasyz etý salasyndaǵy mamandardyń daǵdylaryn bilýin, kúshter men quraldardy qoldaný tiimdiligin praktikada tekserýge, problemalyq máselelerdi anyqtaýǵa múmkindik beredi, osy saladaǵy damý perspektivalaryn jergilikti atqarýshy organdarmen birlesip talqylaýǵa úiretedi.
Dúniejúzilik azamattyq qorǵanys kúnin merekeleýge arnalǵan barlyq is-sharalar tótenshe jaǵdai kezinde qimyldar boiynsha habar berýdi arttyrýǵa baǵyttalǵan.
