Qazgidromet aldaǵy kúnderge arnalǵan aýa raiy boljamyn jariialady, - dep habarlaidy "Ult aqparat".
Sinoptikterdiń málimetinshe, soltústik-batys tsiklon Qazaqstannyń batys óńirine áser etedi, sodan keiin shyǵys baǵytqa jáne eldiń qalǵan aýmaǵyna aýysady. Sonyń áserinen jańbyr jaýady.
"25 qyrkúiekte batysta, 26 qyrkúiekte soltústik-batysta jáne soltústikte jańbyr jaýyp, naizaǵai oinap, jel kúsheiip, burshaq jaýady. Kelesi aptanyń basynda Soltústik Qazaqstan oblysynda jaýyn-shashyn kútiledi. Qazaqstannyń ońtústik-shyǵysynda tek taýly jáne taý bókterindegi aýdandarda ótkinshi jańbyr jaýady", - delingen habarlamada.
Sondai-aq, aýa temperatýrasy tómendeidi.
"Aýa temperatýrasy respýblikanyń basym bóliginde tómendeidi. Elimizdiń batysynda kúndiz 22-33 gradýstan 9-22 gradýsqa deiin, soltústik-batysta 25-32 gradýstan 10-23 gradýsqa deiin, soltústikte 23-30 gradýstan 5-20 gradýsqa deiin, ortalyqta 22-32 gradýstan 20-28 gradýsqa deiin, Qyzylorda oblysynda 30-35 gradýstan 17-25 gradýsqa deiin jyly bolady. Eldiń ońtústik-shyǵysy men ońtústiginde aýa temperatýrasy 25-35 gradýs jyly bolady", - delingen habarlamada.
