Ulystyń uly kúni – Naýryz meiramy qarsańynda, erteden kele jatqan «Asar» dástúrin qaita jańǵyrtý qolǵa alynady. Bul týraly QR Mádeniet jáne sport vitse-ministri Nurǵisa Dáýeshov málim etti, dep habarlaidy QazAqparat.
«Naýryz meiirimdilik pen qaiyrymdylyq merekesi. Volonterlik, qaiyrymdylyq jáne erikti uiymdar arqyly Asar dástúrin jańǵyrta otyryp, «Naýryz meiirimi» jalpyulttyq aktsiiasyn iske qosý usynylad», - dedi Nurǵisa Dáýeshov ortalyq kommýnikatsiialar qyzmetinde ótken baspasóz máslihatynda.
Sondai-aq, ministrdiń orynbasary balalarǵa arnalǵan jańa jobanyń qolǵa alynatynyn tilge tiek etti.
«Naýryz balalar úshin basty mereke. Otbasy, bilim berý uiymdary men eńbek ujymdarynda «Naýryz kádesi», «Naýryz qorjyn» (ulttyq naqyshtaǵy oiynshyqtar) syilyqtaryn tartý etý dástúrin engize otyryp, balalar aýditoriiasyna erekshe mán berý kózdelip otyr», - deidi ol.
