"Qazgidromet" RMK sinoptikteri 18, 19 jáne 20 qańtarǵa arnalǵan aýa raiy boljamyn usyndy, - dep habarlaidy "Ult aqparat".
Boljam boiynsha, Qara teńiz aýdandarynan keletin Batys antitsiklony Qazaqstan aýmaǵyndaǵy aýa raiyna áser etedi. Antitsiklon áserinen eldiń soltústiginde kún sýytyp, jaýyn-shashyn toqtaidy.
"Al Qazaqstannyń batysyna qarai Mýrmansk aýdandarynan keletin Tsiklon aýa raiyna áser etedi. Jańbyr men qar jaýyp, ekpindi jel soǵyp, kóktaiǵaq bolady dep kútiledi. Osylaisha, soltústik-batys, soltústik óńirlerde termometr baǵandary túnde 10-25 gradýs aiazǵa, batysta 5-15 gradýs aiazǵa, ońtústikte 0-15 gradýs aiazǵa deiin tómendeidi dep boljanǵan", - delingen habarlamada.
